បាយលែងឆ្ងាញ់បាត់! កំពុងតែហូបបាយជុំគ្នាសុខៗ កូនតូចងេីយមេីលលេីពិដាន ស្រាប់តែ…(មានវីដេអូ)
កន្លងមកៗ គឺមានគ្រោះថ្នាក់ជាច្រើនបានកើតឡើង ដោយសារករណីធ្លាក់កង្ហារពិដាន។ ដោយឡែក ថ្មីៗនេះ សហគមន៍អនឡាញវៀតណាម បានចែករំលែកឃ្លីបមួយដ៏គួរឲ្យរន្ធត់ជាខ្លាំង ដែលបង្ហាញកង្ហារពិដាន បានធ្លាក់មកលើគ្រួសារមួយដែលកំពុងអង្គុយហូបបាយជុំគ្នា។ ហេតុការណ៍ទាំងស្រុង ត្រូវបានថតដោយកាមេរ៉ាសុវត្ថិភាព នៅក្នុងផ្ទះគ្រួសារមួយ នៅវេលាថ្ងៃត្រង់ថ្ងៃទី៨ ខែកក្កដា ឆ្នាំ ២០២១។ នៅពេលនោះ គ្រួសារនោះដែលមានមនុស្ស ៦ នាក់ កំពុងអង្គុយលើកន្ទេល ទទួលទានអាហារថ្ងៃត្រង់។ ក្នុងនោះ កូនប្រុសពៅ អាចត្រូវបានឃើញថា វាកំពុងងើយសម្លឹងមើលពិដាន ខណៈដែលគ្រួសារទាំងមូលនៅតែផ្តោតលើការហូបអាហារ។ ភ្លាមៗនោះ កង្ហារពិដានបានធ្លាក់ដួលចុះមក ចំកន្លែងដែលក្មេងប្រុសនោះកំពុងអង្គុយនៅចន្លោះមនុស្សចាស់ពីរនាក់ លាន់សូរផាំងយ៉ាងខ្លាំងតែម្តង។ គ្រួសារទាំងមូលបានភ្ញាក់រន្ធត់ ហើយភ្លាមៗនោះ ស្រ្តីជាម្តាយបានស្ទុះរត់មកមើលក្បាលកូនក្នុងក្តីរន្ធត់យ៉ាងខ្លាំង។ តែសំណាងល្អណាស់ ដែលគ្មាននរណាម្នាក់រងរបួសនៅក្នុងហេតុការណ៍នេះ។ នេះចាត់ទុកហេតុការណ៍ដ៏សំណាងមួយ ដែលយើងគ្រប់គ្នាត្រូវតែមានការប្រុងប្រយ័ត្នគ្រប់វិនាទី ព្រោះថា ជីវិតមិនមានដាក់លក់នៅលើទីផ្សារនោះទេ៕ សូមទស្សនាវីដេអូខាងក្រោម៖
Continue Reading
