កាលពីរសៀលថ្ងៃទី០៣ ខែកញ្ញា ឆ្នាំ២០២២ ដំណឹងមរណភាពរបស់តារាបង្ហាញម៉ូដ Chau Kim Sang បានធ្វើឱ្យមហាជនជាច្រើនមានការសោកស្តាយយ៉ាងខ្លាំង។ ក្រោយពីតារាបង្ហាញម៉ូដរូបនេះ តស៊ូប្រឆាំងជាមួយនឹងជំងឺមហារីកដំណាក់កាលចុងក្រោយមកយ៉ាងយូរ។
នេះបើតាមការចុះផ្សាយពី VTC News បានបញ្ជាក់ថា តារាម៉ូដែលរូបនេះ បានទទួលមរណភាពនៅឯផ្ទះ ក្នុងវ័យ ២៦ឆ្នាំ។ ដោយនៅលើបណ្តាញសង្គមផ្ទាល់របស់នាង ក៏បានប្រកាសកាន់ទុក្ខយ៉ាងក្រៀមក្រំផងដែរ។
គួររំឭកផងដែរថា បវរកញ្ញាភេទទី ៣ Chau Kim Sang កើតនៅឆ្នាំ ១៩៩៦ នៅខេត្ត អានយ៉ាង។ ហើយនៅអាយុ ១៨ឆ្នាំ នាងក៏បានសម្រេចចិត្តទៅរស់នៅទីក្រុងហូជីមិញ ហើយបន្តក្តីស្រមៃក្លាយជាតារាបង្ហាញម៉ូដអាជីព។
នាងចាប់ផ្ដើមត្រូវបានមហាជនស្គាល់ពេលចូលរួមកម្មវិធី «Miss International Queen Vietnam – Perfect Ambassador»។
ជាមួយនឹងសមត្ថភាពដើរបង្ហាញម៉ូដដ៏ប៉ិនប្រសប់ និងមន្តស្នេហ៍ស៊ិចស៊ី តារាបង្ហាញម៉ូដភេទទី៣ រូបនេះ ក៏ធ្លាប់បានឈ្នះការរចនាម៉ូដ និងមានឱកាសបង្ហាញខ្លួនក្នុងកម្មវិធីដើរម៉ូដជាច្រើនផងដែរ៕
អត្ថបទ៖ ប្រជាប្រិយ
