ភ្នំពេញ ៖ ជឿជាក់ប្រិយមិត្តពុកម៉ែបងប្អូនជាច្រើនប្រាកដជាស្គាល់ច្បាស់ហើយ ពីបេក្ខជនក្នុងកម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី ៤ មួយរូប ដែលតែងតែបង្ហាញស្នាមញញឹមស្រស់ប្រិមប្រិយ នោះគឺ បេក្ខជន នាង ដាវីន។
ក្នុងនោះដែរ មហាជនសង្កេតឃើញថា ពីមួយសប្ដាហ៍ទៅមួយសប្ដាហ៍ បេក្ខភាពរូបនេះ បានបង្ហាញសមត្ថភាពយ៉ាងល្អ ហើយតែងទទួលបាន ការសរសើរខ្លាំងពីគណៈកម្មការព្រមទាំងការគាំទ្រពីសំណាក់អ្នកគាំទ្រយ៉ាងគគ្រឹកគគ្រេង រហូតទទួលបានសំឡេងសារពីបងប្អូនទស្សនិកជនក្លាយជាបេក្ខជន Top ៤ ក្នុងវគ្គពាក់កណ្ដាលផ្ដាច់ព្រ័ត្រ។
យ៉ាងណាមិញ ប្រិយមិត្តធ្លាប់តែឃើញ ដាវីន បកស្រាយចម្រៀងតាមរយៈបទបែបសម័យ លាយឡំជាមួយនឹងអារម្មណ៍កម្សត់ មនោសញ្ចេតនា ក្នុងកម្មវិធីប្រកួតលំដាប់ថ្នាក់ពិភពលោកមួយនេះ ប៉ុន្តែបើក្រឡេកទៅមើលកាលពីជាង ១ ឆ្នាំមុនវិញ ពោលគឺនៅក្នុង ខែកុម្ភៈ ឆ្នាំ ២០២១ កន្លងទៅ
បេក្ខជនវ័យ ២១ ឆ្នាំរូបនេះ ក៏ធ្លាប់បានបកស្រាយបទភ្លេងការក្នុង «កម្មវិធី មរតកវប្បធម៌ខ្មែរ» ផងដែរ ដែលស្ដាប់ទៅទឹកដមសំឡេងរបស់លោក ពិតមិនខុសគ្នាឆ្ងាយ ពីអ្នកចម្រៀងអាជីពនោះឡើយ។
តួយ៉ាង ប្រិយមិត្តចង់ដឹងពីសមត្ថភាព ព្រមទាំងសំនៀងរបស់លោក នាង ដាវីន បកស្រាយបទភ្លេងការនោះ ពីរោះ និង មានទឹកដមយ៉ាងណាសូមទស្សនាវីដេអូខាងក្រោមនេះ៖
